Sa kinaban nguwan na nagmamati sa kaalupan, minnamal a bakalan, mga di mapundong giyera sagkod karibukan sa dawa saring upod kadi . Nabubuut pa raw kamong mag paragibo sa kamuy-an na di ta isi kin kaya natung atubangon a kablyo kadi. Kin buko man, mag paraluwas sa palain-lain siton na puyding migpasakit ka buway nato nguwan na panawon. Dawa man mag para sunod sa mga prinsipio alagad nagaalop sana kita. Nabubuut pa raw kamo kiton? Isipon na muna raw nato kin uno a gigibuwon ta.
Di ko sinasabi na umuyon kamo ka mga isasabi ko sadi sinurat ko, alagad, isipon ta pananggayod a kinaugmaan ta, kin makatatabang adi kanato o diri. Pwera pa kan, di nato pag pararatakan a panawon sa mga uda 'sang datang gibuwon na puyding magparaot ka kanatong buway, arog ka magpara parosros, magpara inugak sa iskwelan, ag a magpara bata na uda basang paiiyanan.
Apwera kiton, a gibuwon nato dapat su mga manlain-lain na gigibuwon na makatatabang ka buway nato. A pagkaon sa mga masusustansyang pagkaon, pagiging adimwanon, pagiging uyamut pangala a pagiging maurot, tanganing matabang ta a sadiri nato pati a ibang tawo.
Amo, isipon ta a ibang tawo. Alagad dapat man natong isipon a sadiri nato bago gumibo sa karayan sa ibang tawo tanganing mabayad y maisiyan ta kin puydi raw kita kading gumibo kading bagay na adi. Sa kamaturanan, uda man maraot na tumabang sa tawo bastang di nato sirang gibuwon na mga ugakon.
Tapos, a paggagstos sa manlalain-lain na bagay na uda man basang kamalmagi, uda an data. Tangata mapagagayon kan a buway nato? Diri baga. Amo pananggayod, magmuyamuya kita, pero su migpamuya kanato na agko kamalmagi. A masasabi ko kiton, maging uyamut kita.
A pagsunod ka mga prinisipio usad iton sa mga maray na pagmamatinir ka maray na buway. Alagad, kin migparaunod na sana kita kadi na diri na basang kita nabubusog, bagana sa kinaugmaan kiton, rinnigay o natuwal n asana kita kiton pagbuwat ta sa batangan; ta iyugon an kin biyo nang nagkakadal-kadal su buros nato.
Kaya, a masasabi ko kaninyo mga kanguran, bago gumibo sa uno man na gigibuwon, isipon na nguna nato a mga kablyo sagkod magpakabusog kita pangala magpakapraktikal kita. Ta kita man sana a sumasalo ka mga umaabot sa mga buway ag tanging sa pag agi ka mga aldow agko kita a ipababayad na pagkatawo nato.
0 comments