British Ambassador to the Philippines H.E. Asif Ahmad binnisita sadi ADNU.

Binnisita sadi Ateneo de Naga University si British Ambassador to the Philippines, amo si H.E. Asif Ahmad ku Febrero 13, 2017.

Sadto nasabing pagbisista, nagka agko pagbisto ag recitation gamit a lenguajeng Bikolnon sa mga malaen-laen na sinurat ni Oscar Wilde ag mga sonetang sinurat man ni William Shakespeare sadto Richie Fernando Hall na kin sari nagsilog si Ahmad. A usad sa mga nagreite si kristian S. Cordero, na usad na maestro ku nasabing eskwelan.

Pagkatapos kadto nagtao sa mensaje si H.E. Asif Ahmad. A ibang liaang ku mga mensaje ngiya amo a na manlaen-laen na istorya sa pag-istar ngiya sadi Filipina, a mga tinao ka British Government sadi nacion nato orog na sa Philippine Atmospheric Geophysical Astronomical Services Administration o PAGASA, pati man a puyding pagpundo ka mga free trade agreement o iba pang treaty o agreement na pinirman ka Filipinas ag United Kingdom pag ipaootob ulit a death penalty sadi Filipinas sagkod otro mas pa.

Apwera pa kadto, inniyan su clase ka Humanities 3 o HU3 sadto nasabing pagbisita, na orog nang kaiba su mga miembros kading Catharsis Blog.

Naging Embajador ka Britania sadi Filipinas si Ahmad magpoon pa ku Julio 2013, sagkod iya man a British Ambassador to Palau magpoon man ku 2013.  Buko sana iton, sinnirbe man iyang embajador ka gobierno ngiya sa Thailand ku Noviembre 2010 anggan August 2012.